Përfaqësuesi i lartë i Bashkimit Evropian për Politikë të Jashtme, Josep Borrell, ka thënë se Serbia ka rënë dakord të shfuqizojë dokumentet hyrëse-dalëse për qytetarët e Kosovës.
Borrelli këtë njoftim e ka bërë në llogarinë e tij në Twitter të shtunën pasdite, duke thënë se tashmë ka një marrëveshje mes Kosovës e Serbisë në këtë drejtim.
“Kemi një marrëveshje. Sipas dialogut të lehtësuar nga BE-ja, Serbia ra dakord të shfuqizojë dokumentet hyrëse/dalëse për mbajtësit e ID-së së Kosovës dhe Kosova u pajtua që të mos i prezantojë ato për mbajtësit serbë të ID-së”, ka shkruar Borrell.
We have a deal.
— Josep Borrell Fontelles (@JosepBorrellF) August 27, 2022
Under the EU-facilitated Dialogue, Serbia agreed to abolish entry/exit documents for Kosovo ID holders and Kosovo agreed to not introduce them for Serbian ID holders.
(1/2)
Kosova ka vendosur të zbatojë masën e reciprocitetit me dokumente ndaj Serbisë, duke nisur nga 1 gushti, mirëpo vendimi është shtyrë më 31 korrik, pas tensioneve të krijuar në veri, dhe me kërkesë të SHBA-së dhe BE-së.
Vendimi do të duhej të rifillonte së zbatuari më 1 shtator.
Edhe
Marrëveshje Kosovë – Serbi për dokumentet e udhëtimit
Sipas vendimi, Kosova do të lëshonte dokumente hyrjeje për secilin qytetar të Serbisë që hyn në Kosovë, njëjtë siç ka vepruar deri tani Serbia me qytetarët e Kosovës që hyjnë në Serbi.
-
Varhelyi shpreson të bëhen hapa real drejt përparimit të dialogut
-
Serbia pajtohet t’i pranojë letërnjoftimet e Republikës së Kosovës
-
Edhe zyrtarisht hiqen vizat për shtetasit e Kosovës që kanë pasaporta të Serbisë
-
Këshilli Evropian vendos për heqjen e vizave për shtetasit e Kosovës që kanë pasaporta të Serbisë