Bislimi: BE-ja duhet të zgjerohet dhe reformohet

Zëvendëskryeministri Besnik Bislimi ka thënë se Bashkimi Evropian duhet të zgjerohet dhe të reformohet.

Në Komisionin për Integrim Evropian, si ka theksuar se Kosova i ka përmbushur kërkesat bazë, e pret që BE-ja t’i largojë masat e vëna kundër saj.

“BE-ja duhet të zgjerohet dhe të reformohet. Ne e mbështesim plotësisht qasjen që kushtëzon fondet e BE me vlerat. Kosova përfiton 950 milionë euro brenda katër vitesh. Kjo njëherësh përbën shumën më të madhe që ndonjëherë Kosova ka përfituar. Është shumë e rëndësishme që BE-ja të heqë masat represive ndaj Kosovës meqë Kosova ka përmbushur kërkesat bazë...”, ka thënë ai.

Bislimi ka shtuar se synimi për këtë vit është pranimi i pyetësorit nga BE-ja “në mënyrë që të dëshmojmë që Kosova e meriton statusin e vendit kandidat”. Ai ka thënë se institucionet e Kosovës janë të gatshme të përgjigjen.