Besimtarët ortodoksë në të gjithë botën kremtojnë sot ringjalljen e Jezu Krishtit në meshën e pashkëve, tre ditë pas vdekjes së tij në kryq. Pashka është një nga kremtimet më të mëdha të ortodoksëve.
Festimet e pashkës nisin me meshën e madhe të së shtunës mbrëma dhe përfundojnë me drekën tradicionale të së dielës. “Krishti u ngjall”, është “refreni” i kësaj dite festive, i cili shprehet njëzëri nga të gjithë besimtarët duke trokitur vezën e kuqe të pashkëve që simbolizon gjakun e Krishtit.
Festa e pashkëve ortodokse gjithashtu shoqërohet me bukën e ëmbël, flakën e shenjtë dhe mishin e qengjit.
Vezët janë simbol i jetës, ndërsa ngjyra e kuqe simbolizon sakrificën e Jezu Krishtit, që është e mbyllur dhe e përgjumur brenda lëvozhgës së saj, ndërsa ngjyra e kuqe e vezëve simbolizon sakrificën dhe në rastin konkret, sakrificën e Krishtit, simbolikë e fitores, gëzimit dhe jetës.
Pjesë tjetër e traditës së pashkës ortodokse është buka e pashkës, ku vendoset veza e kuqe në mes, e cila duke qenë e ëmbël shpreh kuptimin e ëmbëlsisë dhe lumturisë të cilat i përmbajnë fjalët e Zotit dhe lutjet e besimtarëve.
Zakonisht në traditën ortodokse vezët ngjyrosen ditën e enjte para pashkëve dhe konsumohen ditën e diel ose në ditët në vazhdim. /KSP
-
Mesha e Pashkëve përcillet me thirrjen për liderët politikë që të tregojnë përgjegjësi
-
Kurti uron Pashkët: Kjo ditë le të na kujtojë rëndësinë e harmonisë mes nesh
-
Për Pashkë bëhet thirrje për paqe, pajtim e dialog
-
Pesë ushqimet më të mira për t’i mbrojtur eshtrat nga plakja
-
Kush nuk duhet të konsumojë kurrë vezë të pagatuara