Pas muajit të rëndësishëm të besimtarëve myslimanë, Ramazanit, që përfundoi ditën e enjte, sot të njëjtit në të gjithë botën kremtojnë ditën e parë të Bajramit të Madh.
Ceremonia qendrore për festën e Fitër Bajramit për Republikën e Kosovës është mbajtur në Xhaminë e Madhe në Prishtinë.
Myftiu i Kosovës, Naim Tërnava, ka uruar besimtarët për këtë festë dhe ka bërë thirrje për unitet.
Sipas tij, Fitër Bajrami është festa më popullore që e presin të gjithë.
“Në këtë mëngjes të bukur jemi mbledhur në xhamitë tona për të festuar Fitër Bajramin, festë që bartë harenë, gëzimin në zemrat e besimtarit. Të gjithë besimtarët urojnë e gëzojnë, ngase për një muaj kanë zbatuar urdhrin e Zotit për agjërim ... Ramazanin po e përcjellim me krenari e me familje tona po e përcjellim Fitër Bajramin. Fitër Bajrami është festa më popullore që presin gjithë grupmoshat”, është shprehur Tërrnava.
Faljen e Bajramit të Madh në Prishtinë, nëpërmjet fotografive e sjell fotoreporteri i KOHËS, Alban Bujari.
Grupi KOHA ua uron festën të gjithë besimtarëve.
{gallery}