Beqaj kërkon bashkëpunim me Finlandën për qasjen inovative në biznes e fuqizim të të rinjve

Ministri i Inovacionit dhe Ndërmarrësisë, Besim Beqaj, sot ka biseduar me ambasadoren e Finlandës në Kosovë, Pia Stjernvall për mundësinë e bashkëpunimit në qasjen inovative në biznes dhe fuqizim të të rinjve.

Beqaj pas takimit ka bërë të ditur se e ka njoftuar Stjernvallin me proceset nëpër të cilat po kalon Kosova dhe mundësitë që ekzistojnë për rritje të potencialit eksportues e prodhues në sektorin privat.

“E njoftova ambasadoren për proceset nëpër të cilat po kalojmë, për fuqizimin ekonomik të të rinjve, si dhe rritjen e potencialit eksportues dhe prodhues të sektorit privat. Kërkova bashkëpunim dhe ndihmë me njohuri dhe shkëmbim përvojash nga ekspertiza më e mirë finlandeze”, ka thënë Beqaj, sipas njoftimit nga ministria.

Beqaj ka theksuar po ashtu se ekonomia e Kosovës do të bazohet në njohuri të buta dhe zhvillime teknologjike.