Banorët e Shtërpcës protestojnë për zvarritjen e punimeve në rrugën për Brezovicë

Banorët e disa fshatrave të komunës së Shtërpcës, për gjysmë ore kanë bllokuar rrugën regjionale Kaçanik-Shtërpcë, me arsyetim se ministria e Infrastrukturës prej 2018-s po e zvarritë projektin e rrugës Bajnicë deri në Drekoc.

Rruga është bllokuar pikërisht në fshatin Brod te "Ura e Haxhisë", raporton KOHA. 

Bektesh Bajrami, banor, ka thënë se do të vazhdojnë edhe në të ardhmen nëse ministria e Infrastrukturës nuk i shqyrton kërkesat e banorëve për vazhdimin e punimeve.

"Kemi bërë kërkesa e ankesa por deri tash nuk kemi marrë pergjigje për ta kuptuar pse janë ndërprerë punimet", ka thënë midis të tjerash ai.

{gallery}