Banorët e fshatit Shashkoc të Prishtinës ka një muaj që janë duke u përballur me reduktime të ujit të pijshëm.
Në Kompaninë Rajonale të Ujësjellësit “Prishtina” kanë konfirmuar se bëhet fjalë për telashe me dëmtim të rezervuarit në këtë fshat dhe të pompave që gjenden në Kishnicë.
“Tash jemi në kontakt dhe janë duke u marrë shërbimi i elektros dhe makinerisë që t’i rregullojmë pompat sa më shpejt. Problemi është që një muaj, por jo tërësisht pa ujë, por me reduktime të kohëpaskohshme”, ka thënë Arieta Mheku, zëdhënëse e KRU “Prishtinës”.
Siç ka bërë të ditur ajo, pas analizave të kryera aty tash planifikohet ndërtimi i një rezervuari të ri.
