Ministrja e Arsimit, Shkencës, Teknologjisë dhe Inovacionit, Hykmete Bajrami priti në takim shefin e Zyrës së Bankës Botërore në Kosovë, Marko Mantovanelli, ku u bisedua për mbështetjen që po i jep sektorit të arsimit Banka Botërore, në veçanti për projektin KESIP (Përmirësimi i Sistemit Arsimor në Kosovë).
Bajrami u informua nga shefi i BB për Kosovë rreth projektit, i cili deri më tani ka pasur edhe sfida gjatë realizimit të qëllimeve.
Ajo e falënderoi Bankën Botërore për mbështetjen e fuqishme që i ka dhënë Kosovës në të gjithë sektorët, e veçanërisht sektorit të arsimit, ndërsa theksoi nevojën e përkrahjes së mëtutjeshme të këtij institucioni.
Ajo shprehu gatishmërinë që ministria të kryejë detyrat dhe obligimet e veta në kohën e duhur, në mënyrë që projekti KESIP të përmbyllet me sukses.
