Azemi thotë se do t’i padisë institucionet “që s’e respektuan vendimin lidhur me pagën minimale”

Kryetari i Sindikatës së Sektorit Privat, Jusuf Azemi, ka thënë se është duke u përgatitur padi ndaj institucioneve që thotë se “nuk e kanë respektuar vendimin e Qeverisë sa i përket pagës minimale”., 

Ai ka thënë se Kuvendi i Kosovës, Enti Statistikor, Universiteti “Hasan Prishtina”, Qendra Studentore, QKUK lidhur me punëtorët e sigurimit, Prokuroria e Shtetit dhe QMF e Suharekës, janë disa nga institucionet që thotë se nuk e respektuan vendimin e Qeverisë. 

“Ne veç jemi në përgatitje të padisë për secilin institucion, veç e veç, që këtë pagë ta paguajnë në mënyrë retroaktive deri në zbatimin e këtij vendimi nga secili punëdhënës. Kuvendi i Kosovës, Enti statistikor, Universiteti ‘Hasan Prishtina’, Qendra studentore, QKUK punëtorët e sigurimit, Prokuroria e Shtetit, QMF Suharekë. Janë këto vetëm disa nga institucionet që se përfillën vendimin e Qeverisë dhe të Kuvendit, kryesisht te punëtorët teknikë dhe ata të sigurimit fizikë. Ne në këtë rast, sindikata nuk fajëson kompanitë private, pasi që Ministria e Financave është dashur t’i subvencionojë kompanitë e ato t’i përcjellin te punëtorët. Më vjen keq që parashikimi i Sindikatës ka dalë i saktë”, ka thënë Azemi.