Avokati: Lushtaku është liruar nga ndalimi policor, s’dyshohet se ka përdorur armë

Ish-nënkryetari i Komunës së Skenderajt, Nuredin Lushtaku është liruar nga ndalimi policor.

Këtë e ka bërë të ditur për Kohën, avokati i tij, Artan Qerkini.

Ai ka thënë se nuk ekziston dyshimi që Lushtaku ka përdorur armë në rastin në fjalë.

“Lushtaku është liruar nga ndalimi policor. Nuk ekziston dyshimi që ai ka përdorë armë në rastin në fjalë. Ne do t’i lëmë të qeta organet që ta kryejnë punën e tyre”, ka thënë ai.

Qerkini gjithashtu ka thënë se nuk ka dijeni nëse në shtëpinë e Lushtakut është kryer bastisje.

Edhe Kronikë 30 gus 2022 Lirohet nga paraburgimi Nuredin Lushtaku

Nuredin Lushtaku bashkë me disa familjarë dyshohet se janë të përfshirë në plagosjen e dy policëve në Skenderaj.