Avokati i ish-kryetarit të Kuvendit Kadri Veselit, Rodney Dixon, tha se dëshmitarët që kanë përmendur Veselin nuk kanë dalë në ballafaqim të drejtpërdrejtë para gjykatës. Dixon tha se rregullat e gjykatës e kërkojnë një gjë të tillë nëse prokuroria pretendon se deklaratat që i ka marrë më herët duhet të përdoren si bazë për dënim të të akuzuarit. Por, sipas tij, krejt çka janë prezantuar janë thashetheme të cilave nuk i është testuar vërtetësia para trupit gjykues.
“Z. Halling iu tregoi një videoklip të dëshmitarit 4760 ku po jepte një intervistë për ZPS-së dhe tha që me demek kishte dëgjuar një histori prej dikujt që klienti im ishte i përfshirë. Ky është thashëthem i pastër sepse vetë burimi nuk ka qenë këtu që të merrej në pyetje. Andaj, ky klip është krejt i pavlerë sepse e ka përdorur prokuroria thjesht sepse përmendet emri i klientit tim”, tha Dixon.
Ai shtoi se ballafaqimi është parim i vjetër që qëndron në thelb të gjyqeve penale.
“Kjo nuk është lojë procedurale që po bën mbrojtja, nuk po luajmë ky është ligji kryesor për testimin e provave në një gjykim penal. Është ligj që ka ekzistuar prej dekadash”, tha Dixon.
Katërshja e UÇK-së thotë fjalët përfundimtare në Hagë
-
Dixon: Fajësia nuk mund të shpallet në prova të patestuara dhe thashetheme
-
Avokati i Veselit – gjyqtarëve: Nuk ishit në gjendje t’i sqaroni gjërat deri në fund
-
Mbrojtja e Veselit: Kur s’ka prova, s’mund të ketë shpallje fajësie
-
Mbrojtësi i Veselit: S’ka asnjë provë kundër tij, jemi në duart e thashethemeve
-
Avokati i Veselit i quajti bërllok provat e Prokurorisë