Një shtetas i Kosovës është arrestuar të premten në Kroaci, nën dyshimet se ka bërë transportimin e disa turqve të cilët kishin hyrë ilegalisht në Kroaci.
Siç shkruan “index.hr”, fillimisht autoritetet policore kanë ndalur një veturë Ford me targa sllovene në të cilën shofer ishte një 22-vjeçar me shtetësi zvicerane. Në këtë veturë po transportoheshin gjashtë qytetarë të Turqisë. Pas dyshimeve fillestare se i dyshuari kishte ndihmuar më herët futjen e njerëzve tjerë ilegalisht në Kroaci, policia ka ndaluar në autostradë edhe një veturë të tipit BMW me tabela të Kosovës. Një shtetas i Kosovës, 31-vjeçar, ishte shofer. Nga hetimet e para ka dalë se të dy shoferët po bënin transportimin e turqve të futur ilegalisht në Kroaci.
Ata janë kapur duke transportuar një burrë 30-vjeçar, dy gra të moshave 22 dhe 33-vjeçare, një të mitur dhe dy fëmijë.
Të dy u dërguan në mbajtje.
Shtetasit e Turqisë janë dërguar në Qendrat e azilkërkuesve pasi kanë shprehur qëllimin për mbrojtje ndërkombëtare.
-
Shtatë kosovarë kapen duke hyrë ilegalisht në Kroaci, arrestohen dy persona
-
Dyshohet se kaloi ilegalisht kufirin, arrestohet një serb në Leposaviq
-
Arrestohen një shtetas jordanez dhe një shtetase turke, dyshohen për kontrabandë me migrantë
-
Kapet një grup shtetasish serbë duke kaluar ilegalisht kufirin në Dobrosin-Stublinë
-
Policia kap dy shtetas të Sri-Lankës që i kishte futur ilegalisht në Kosovë një serb