Demarkacioni mes Kosovës dhe Serbisë, është kryetemë e së dielës në “Koha Ditore”.
Shkrimi kryesor me titull “Aneksim para demarkimit”, flet për aneksimin nga Serbia të disa prej pikave strategjike të territorit të Kosovës ende pa nisur demarkimi, devijimin e kufirit, humbjen e 482 hektarëve, manipulimin e Google Earth-it, rolin e Policisë dhe KFOR-it në këtë mes.
“Zemërgjerë me territor” është komenti i Valbona Mehmetit për temën e së dielës
Në intervistë, profesori Shpejtim Bulliqi, tregon se si Serbia ka manipuluar me kadastrat rreth kufirit.
Reportazh sjell panoramën e fshehur të Maleve të Kelmendit.
Edhe
Takimi i Washingtonit, kryetemë e së dielës në KOHA Ditore
“Bota e çuditshme e kipcave të Kim Jong-unit” dhe “Uzhupisi - republika më e vogël e botës” janë dy prej shkrimeve nga faqet e botës.
Në shtatë shkronjat e saj, Mimoza Hysa tregon se pse përkthimi të bën realist.
Fejton këtë javë sjell historinë e pasurimit të komunistëve në kurriz të popullit, në Shqipërinë e pasluftës së dytë botërore.
Në Kosovarçe, vjen rrëfimi për të rinjtë që sfidojnë njëri-tjetrin me libra.
“Piktori që hap horizonte me kompozicione e ngjyra të forta” dhe “Modernizimi i komplikuar i Jugosllavisë” janë shkrimet që zënë faqet e kulturës.
Me rrëfimin për tri shtëpitë monumentale të “Rrugës Model”, Prishtina e Vjetër mbetet temë e Monumentit edhe këtë javë.
Edhe
E Diela me “Kohën Ditore” sjell historikun e dialogut Kosovë-Serbi
Në mesin e shumë shkrimeve interesante nga sporti veçohen ai për Shpëtimin e Dritës dhe ekspertin për inkuadrimin e skuadrave në Superligë.
Këto, dhe shkrime të tjera interesante nga kinematografia, shkenca, teknologjia, moda e shumëçka tjetër, mund t’i lexoni në 82 faqet e numrit të së dielës në “Koha Ditore”.
