Ambasada e Shqipërisë në Kosovë kishte paralajmëruar një pritje në Prishtinë për të shënuar festën e 28 Nëntorit, ashtu siç kishin paralajmëruar edhe shumë institucione tjera në Kosovë e Shqipëri.
Por, ndonëse shumica e këtyre organizimeve u anuluan si pasojë e tërmetit tragjik në Shqipëri, kjo Ambasadë nuk e ka parë të udhës që të anulojë atë organizim.
Në këtë pritje, përpos Ambasadorit Qemal Minxhozi, ishin edhe kryeministri në detyrë i Kosovës, Ramush Haradinaj, lideri i Lëvizjes Vetëvendosje, Albin Kurti, e akterë tjerë vendorë e ndërkombëtarë.
Nesër në Kosovë është shpallur ditë zie.
Mëngjesin e së martës, qytetarët në Shqipëri u zgjuan nga tërmete të fuqishme. Tërmeti ishte i magnitudës 6.3 që goditi Shqipërinë rreth orës 03:50 të ditës së martë, epiqendra e së cilit ishte në Detin Adriatik, 40 km larg Tiranës dhe 10 km në veri të Durrësit.
Pastaj janë ndierë edhe lëkundje të tjera më të lehta, por një tërmet tjetër i fuqishëm është regjistruar edhe në orën 7:10, që ishte me magnitudë 5.4.
-
Dita e Pavarësisë në Shqipëri bën bashkë Kurtin dhe Ramën
-
Minxhozi: Marrëdhëniet mes Kurtit e Ramës për momentin kanë stopuar
-
Ambasadori i Shqipërisë në Kosovë pritet në takim lamtumirës nga Kurti
-
Raportohet për anulimin e mbledhjes së dy qeverive shqiptare, ajo e Kosovës nuk di gjë
-
Qeveria një minutë heshtje në nderim të viktimave të tërmetit në Turqi e Siri