Kreu i Komunës së Prishtinë, Shpend Ahmeti, përmes një postimi në Facebook ka thënë se gjendja e jashtëzakonshme nuk nënkupton automatikisht masa të mbylljes.
“Gjendja e jashtëzakonshme - është diskutuar nga qeveria dhe do të diskutohet nesër nga institucionet që e kanë kompetencën për ta kërkuar nga Kuvendi. Gjendja e jashtëzakonshme është instrument për të marr vendime më shpejtë. Kjo nuk nënkupton automatikisht masa të mbylljes etj”, thotë Ahmeti. “Ende nuk kemi parë propozimet e masave për të vlerësuar se a janë të mira apo jo. Përderisa krejt komunat janë të brengosura për numrin e rritur të të prekurve, megjithatë nuk është paramenduar e as kërkuar mbyllja e plotë”.
Sipas tij ka ende shumë gjëra që mund të bëhen për ta zbutur pandeminë e që nuk janë katastrofale për ekonominë.
“Testet - ende po presim lejet e importit të testeve serologjike për Komunën e Prishtinës. Kjo do të na mundësonte që brenda një periudhe të shkurtër 2 javore të kuptojmë se sa njerëz kanë ndërtuar imunitet dhe më shumë informata demografike dhe shëndetësore në lidhje me virusin”, ka shkruar Ahmeti.
-
Ahmeti: Nëse numri i rasteve me COVID-19 rritet, s’kemi kredibilitet të kërkojmë mbyllje
-
Ahmeti: S’jam kundër masave, por kundër kritereve koti që e veçojnë Prishtinën
-
Ahmeti: Është rekomanduar karantinim njëjavor i Prishtinës
-
Ahmeti: Situata me pandemi mbetet e rënduar, të kemi kujdes të shtuar
-
Ahmeti: S’është marre Qeveria të kërkojë ndihmë, as nënshtrim t’i ndihmojë opozita