Deputeti i Lëvizjes Vetëvendosje, Artan Abrashi, ka thënë se partia e tij e ka hequr bashkimin kombëtar nga diskursi publik për shkak të pozicionit në të cilin është.
Sipas tij, po që se Vetëvendosje flet publikisht për këtë çështje, mund ta dëmtojë Kosovën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Përmendet, por jo publikisht. Arsyeja përse jo publikisht? Për shkak të pozicionit në të cilin jemi. Dikush që është anëtar i VV-së dhe i përbrendësuar brenda konceptit tonë s’i vjen marre ta flasë atë që mendon dhe beson e në të ardhmen edhe mund të angazhohet. Por tash rrjedha e shumë ngjarjeve dhe proceseve, e kanë pru Vetëvendosjen në pozicion udhëheqës, na ka bind se nëse fillojmë të flasim për këto tema, mund ta dëmtojmë Kosovën. Mund ta dëmtojmë Kosovën me të vërtetë. Për hir të interesit nganjëherë po duhet me i hesht ato që beson, por kurrsesi me i braktisë jo. Mund të ketë individë me mendime të ndryshme, por po flas për pjesën e aktivistëve të VV-së. Ne besojmë dhe e synojmë këtë punë”, ka thënë ai në “Java sonte me Rronin” në KTV.
Sipas tij, kryeministrat e Kosovës dhe të Shqipërisë kanë raporte “të komplikuara” në disa raste.