Ambasadori i Britanisë së Madhe në Kosovë, Nicholas Abbott, deklaroi se zgjidhjes së situatës në veri të Kosovës, duhet t’i jepet kohë dhe hapësirës, në mënyrë që sipas tij, të gjendet zgjidhje afatgjate.
Ai shkroi në Twitter të martën se Policisë së Kosovës, KFOR-it dhe EULEX-it, duhet t’u lejohet ta kryejnë detyrën profesionale, pa u shqetësuar për prioritete politike.
“Zgjidhja e situatës së vështirë dhe të rrezikshme në veri kërkon durim dhe qetësi. Është e rëndësishme që t'i jepet kohë dhe hapësirë për të gjetur zgjidhje afatgjata për të mirën e të gjithë qytetarëve”, shkroi Abbott.
Të martën u shënua dita e 11-të e vendosjes së barrikadave nga serbët në veri të Kosovës.
Institucionet e Kosovës dhe Shtetet e Bashkuara të Amerikës kanë kërkuar që barrikadat të hiqen sa më parë. Përfaqësuesi i SHBA-së për dialogun Kosovë-Serbi, Gabriel Escobar, tha ditë më parë se barrikadat duhet t’i heqin “ata që i kanë vendosur”.
Ndërsa, kryeministri Albin Kurti ka thënë se po pret ndihmën e KFOR-it për largimin e barrikadave.
-
Abbott: Kosova duhet t’i dëgjojë këshillat e miqve
-
EULEX-i, Britania e Madhe dhe Kurti shprehin shqetësim për situatën në veri
-
Abbott: Kosova është vend i veçantë që e meriton të jetë i suksesshëm
-
Abbotti nga Kosova në Shqipëri, Kurti: Duhet të pretendojë se i pëlqejnë të dyja vendet njësoj
-
Britania përsërit thirrjet për ndërmarrjen e hapave për shtensionim të situatës në veri