Aleanca për Ardhmërinë e Kosovës (AAK) ka deklaruar se ata që e zvarrisin marrëveshjen finale për njohje me Serbinë janë hileqarë, që i janë futur një misioni të pamundshëm, në rikthimin e Kosovës në pikën zero.
Në një komunikatë dërguar mediave, AAK-ja ka thënë të enjten se Kosova duhet t'u kthehet aleatëve pasi ka theksuar se s'ka ecje përpara duke mos i përfillur Shtetet e Bashkuara të Amerikës.
“Kosova ka mbërritur këtu ku është sot, vetëm falë njerëzve të vërtetë, në të gjitha fazat e një lufte shekullore, deri në lirinë e plotë dhe në krijimin e shtetit. Dhe e vërteta e jonë është paqëndrueshme pa anëtarësimin e Kosovës në NATO, e kjo nuk bëhet pa aleatët strategjikë, Amerikën dhe demokracitë tjera perëndimore. Ata që sot provojnë të ecin përpara duke mos e përfillur aleatin kryesor të lirisë dhe pavarësisë së Kosovës, Amerikën, nuk janë të vërtetët. Ata që e zvarrisin marrëveshjen përfundimtare për njohje me Serbinë, me lloj-lloj marifetesh e justfikimesh, e me zgjidhje qesharake për veriun e vendit, e kanë me hile. Ata i janë futur një misioni të pamundshëm, rikthimin e Kosovës në pikën zero.”, thuhet në njoftimin e partisë opozitare.
AAK-ja, që udhëhiqet nga Ramush Haradinaj, ka theksuar se është detyrë e secilit që të zhbllokohet situata e krijuar në veriun e Kosovës “dhe të përmbyllet kapitulli i marrëveshjes finale”.
Sipas këtij subjekti politik, kjo nuk do mund të arrihet “me njerëzit që nuk janë të vërtetët”.
-
Haradinaj: Kushdo që e kundërshton propozimin evropian i bën dëm vendit
-
Haradinaj bën thirrje për bashkim: Kosova në gjendje të rënduar ekonomike e politike
-
Haradinaj: Në qeverisjen time, prioritet anëtarësimin në Bashkimin Evropian dhe në NATO
-
Haradinaj premton se Kosovën “do ta bëjë më të jetueshme”
-
Haradinaj: Kosova duhet t’i kthehet kursit drejt integrimit