Gjashtë persona kanë vdekur në 24 orët e fundit në Kosovë si pasojë e COVID-19.
Nga dy të vdekur janë nga Mitrovica e Gjakova, ndërsa nga një nga Prishtina e Fushë-Kosova.
Katër të vdekur janë të moshës mbi 80-vjeçare e dy të grupmoshës 70-79 vjeç.
Numri total i të vdekurve si pasojë e COVID-19 ka arritur në 3043.
Sipas Ministrisë së Shëndetësisë, janë regjistruar edhe 1,283 raste të reja, nga testimi i 6,696 të dyshuarve për koronavirus.
Ndërkohë numri i rasteve pozitive ka shkuar në 217.528.
Gjatë 24 orëve të fundit janë shëruar 4397 persona. Ndërkohë numri i rasteve aktive është 26,977.
Edhe
Dy të vdekur nga COVID-19 të enjten në Kosovë
Sa i përket vaksinimit, në 24 orët e fundit janë vaksinuar 1,239 persona. Me dozë të dytë deri tani janë vaksinuar 808.218 persona, me dozë të tretë dhe përforcuese 88.718 persona.
Ndërkaq, numri total i dozave të administruara që nga fillimi i këtij procesi në fund të marsit të vitit të kaluar është 1.792.775.
