Klinika e Pediatrisë në Qendrën Klinike Universitare të Kosovës ka njoftuar se 5-vjeçari nga Lipjani që është i hospitalizuar në Kujdesin Intensiv Pediatrik si pasojë e lëndimeve nga dhuna në familje, i është nënshtruar intervenimit kirurgjik në nivel të shputave nga ekipet specialistike të Ortopedisë dhe Kirurgjisë Plastike.
Në njoftimin e SHSKUK-së është bërë e ditur se intervenimi ka përfunduar dhe gjendja e pacientit ka qenë stabile.
“Pas përfundimit të intervenimit, pacienti është transferuar në Kujdesin Intensiv Pediatrik, ku po vazhdon trajtimin, mbikëqyrjen dhe përkujdesjen e mëtejme postoperatore”, thuhet në njoftim.
Më tej theksohet se për shkak të ndjeshmërisë së rastit, nuk mund të ofrohet më shumë informacion.
“Njëkohësisht, theksojmë se ekipet profesionale shëndetësore janë duke ofruar përkujdesje maksimale dhe trajtimin e nevojshëm në përputhje me protokollet mjekësore”, thuhet më tej në komunikatë.
Edhe
Rasti i keqtrajtimit të 5-vjeçarit nga prindërit në Lipjan – dështim i shtetit
Dy prindër në Lipjan janë arrestuar pasi dyshohet se kanë keqtrajtuar fëmijën e tyre 5-vjeçar, i cili është dërguar në Qendrën Klinike Universitare të Kosovës me plagë të rënda në të dy shputat e këmbëve.
Sipas QKUK-së fëmija, i cili po trajtohet në Klinikën e Pediatrisë, është pranuar në gjendje të rëndë shëndetësore dhe dyshohet edhe për kequshqyerje.
-
Një 5-vjeçar i maltretuar po trajtohet në QKUK, dy prindërit e tij ndalohen për 48 orë
-
5-vjeçari i keqtrajtuar në Lipjan në gjendje të rëndë, por me parametra vitalë stabil
-
5-vjeçari nga Lipjani në trajtim intensiv për shkak të keqtrajtimit nga prindërit
-
Pesëvjeçari nga Lipjani lirohet nga Pediatria, i jepet nën kujdes QPS-së në Gjakovë