45 qytetarë kanë rezultuar pozitivë me koronavirus nga 646 testime të kryera gjatë 24 orëve të fundit në Shqipëri.
Sipas Ministrisë së Shëndetësisë, janë 516 pacientë aktivë me COVID-19 në të gjithë vendin.
Aktualisht në spitalin COVID po marrin trajtim 14 pacientë, nga të cilët një është në gjendje më të rënduar. Në 24 orët e fundit nuk ka asnjë humbje jete me SARS-COV2.
Janë shëruar 26 qytetarë gjatë 24 orëve të fundit, duke e çuar numrin e të shëruarve në 269.425.
Shqipëria deri më sot ka regjistruar gjithsej 273.432 raste me koronavirus, 269.425 janë shëruar, 516 janë aktive, ndërsa betejën me sëmundjen e rrezikshme e kanë humbur 3.491 pacientë.
