Presidentja Vjosa Osmani të dielën ka marrë pjesë në organizimin tradicional të lashtë të quajtur “Sinjska Alka” që mbahet në qytetin e Sinjit në Kroaci, me ftesë të presidentit Zoran Milanoviq.
Në një njoftim në Facebook, Osmani ndër të tjera ka falënderuar Milanoviqin për ftesën.
“Faleminderit Presidentit Zoran Milanović për ftesën për t'iu bashkuar miqve tanë kroatë në Sinjska Alka këtë vit! Në prani të mijëra qytetarëve kroatë dhe bashkë me liderë shtetëror të Kroacisë dhe Bosnje e Hercegovinës, shënuam Sinjska Alka, një nga ngjarjet më të rëndësishme për popullin kroat, që nderon rezistencën heroike të ushtarëve kroatë, nëpërmjet një sërë aktivitetesh kulturore”, ka shkruar Osmani.
