Ministrja e Arsimit, Arbërie Nagavci ka thënë se Ministria e Qeveria nuk ndërhyjnë në autonominë e Universitetit të Prishtinës, teksa ka komentuar shkarkimin e rektorit Naser Sahiti.
Sipas saj, është dëshmuar se në emërimin e ish-sekretarit kishte shkelje ligjore, prandaj edhe thotë se është i rëndësishëm vendimi i Këshillit.
“Nuk kam pas rast me pa çfarë ka deklaruar ish-rektori. Shpresoj që nuk ka thënë ndonjë gjë, sepse nuk ka çfarë të thotë. Kemi pasur bashkëpunim dhe jemi munduar të adresojmë çështje të rëndësishme për UP-në. Unë dhe as Qeveria nuk ndërhyjmë në autonominë e UP-së. Është shumë e rëndësishme që Këshilli Drejtues t’i adresojë problemet që kanë ekzistuar në arsim. Së fundmi u konfirmua që emërimi i ish-sekretarit paraqet shkelje ligjore. Vendimi është marrë me 8 vota për dhe 5 anëtarë që janë votuar kanë dhënë rezultat”, ka thënë Nagavci, pas vënies së gurthemelit të çerdhes në afërsi të shkollës së Gjelbër në Prishtinë, raporton EkonomiaOnline.
Ministrja Nagavci ka thënë se ushtruesja e detyra së rektores, që u përfol si e afërt me VV-në, ka deklaruar se nuk do të konkurrojë për pozitën e rektores.
Tutje, ajo foli Selim Bezerajn, anëtar i Këshillit që po akuzohet për plagjiaturë. Sipas saj, emri i tij është lakuar pa të drejtë, ngase ai ka marrë më së shumti vota nga për anëtarë të Këshillit.
“Selim Bezeraj përpara se të jetë anëtar i Këshillit Drejtues është profesor. Është hipokrizi që për një person që është folur 4 vjet nuk është ndërmarrë asgjë. Në momentin kur janë mbajtur zgjedhjet për Këshillin Drejtues edhe atëherë u lakua emri im pa të drejtë. Selim Bezeraj ka marrë më së shumti vota nga senati është momenti i fundit të kujdesemi për cilësinë në arsimin e lartë”, ka thënë Nagavci.