Instituti Hidrometeorologjik i Kosovës, njoftoi se gjatë pesë ditëve të ardhshme, do të mbajë mot i ndryshueshëm. Sipas IHMK-së, e hëna do të nisë me vranësira të dendura që parashihen të sjellin reshje të intensitetit mesatar.

Kushte të ngjashme, siç njofton IHMK-së, do të mbretërojnë edhe gjatë së martës, ku pos reshjeve të shiut, do të ketë edhe shkarkime rrufesh.

“Të mërkurën vranësira më të theksuara dhe më pak reshje të cilat nuk do të përfshijnë gjithë territorin. Të enjten dhe të premten mot më stabil dhe me rritje të lehta të temperaturave në të dy vlerat ekstreme”, thuhet në njoftim.

IHMK-ja bën të ditur se temperaturat minimale do të lëvizin ndërmjet 5-9 gradë celsius, derisa ato maksimalet ndërmjet 16-22 gradë.

“Do të fryjë erë e lehtë deri mesatare nga drejtimi i perëndimit dhe i veriperëndimit”, thuhet tutje.