Tashmë në Kosovë personat mbi 50 vjeç do të mund ta marrin edhe dozën e katërt të vaksinës kundër COVID-19.
Ministria e Shëndetësisë njoftoi se miratoi këtë vendim ku hyjnë edhe personat me sëmundje kronike dhe imunitet të dobësuar të moshës mbi 5 vjeç, e profesionistët shëndetësorë.
Doza duhet të merret katër muaj në distancë kohore pas marrjes së dozës paraprake.
“Lejohet vaksinimi me dozën e katërt për të gjithë personat e grup-moshës mbi 50 vjeçare (të paktën 4 muaj pas marrjes së dozës së tretë), personat me sëmundje kronike dhe imunitet të dobësuar të moshës mbi 5 vjeçare (të paktën 4 muaj pas marrjes së dozës së tretë) si dhe për profesionistët shëndetësorë, pa dallim moshe”, thuhet në njoftimin e MSH-së.
Deri më tash, mosha më e madhe e lejuar për dozën e katërt ishte 60 vjeç.
