Kryeministri i Shqipërisë, Edi Rama, dhe ai i Malit të Zi, Dritan Abazoviq, kanë mbërritur të mërkurën në mëngjes në kryeqytetin e Ukrainës, Kiev.

Rama dhe Abazoviqi udhëtuan drejt Kievit për t’i shprehur mbështetjen Ukrainës ndaj agresionit rus.

Dy krerët e Qeverive të Ballkanit Perëndimor u pritën nga forca të shumta ushtarake dhe delegacioni ukrainas, raporton AP.

Të shoqëruar nga delegacionet përkatëse, ata do të nisen fillimisht drejt rajonit të Buchas, ku masakra ruse është vërtetuar më së shumti.

Rama dhe Abazoviqi do të vizitojnë zonat e bombarduara të Borodyanka-s dhe Irpin-it dhe ekspozitën për luftën ruso-ukrainase.

Ata do të priten nga presidenti i Ukrainës, Vlodymyr Zelensky, pasdite.