Gjermania do të vazhdojë ta mbështesë Kosovën ushtarakisht dhe për pranim në NATO
Foto: Alban Bujari/KOHA
Ministrja gjermane e Mbrojtjes, Christine Lambrecht, ka thënë të enjten në Prishtinë, se Gjermania do të vazhdojë ta mbështesë Kosovën ushtarakisht, kryesisht përmes pranisë së saj në KFOR.
Lambrecht, në konferencën e përbashkët me kryeministrin e Kosovës, Albin Kurti, tha se Gjermania e mbështet edhe anëtarësimin e Kosovës në NATO dhe BE dhe se do t’i ofrojë ndihmë edhe më tutje.
“E kam siguruar palën kosovare se qëndrojmë përkrah Kosovës edhe sa i përket mbështetjes ushtarake. Do të mbetemi të angazhuar përmes KFOR-it. Do ta vazhdojmë angazhimin tonë edhe sa i përket trajnimit të FSK-së në mënyrë që ajo të marrë përgjegjësinë e saj në të ardhmen”, ka thënë Lambercht.
