Osmani thotë se për çnjohje të Kosovës, Serbia çonte vaksina ruse në vendet afrikane

Në një diskutim për post-pandeminë në Kanada, presidentja e vendit, Vjosa Osmani, ka deklaruar se Serbia e përdorte çështjen e vaksinave në shtetet afrikane për t’ia shkaktuar Kosovës disa çnjohje.

Osmani deklaroi në Forumin Ndërkombëtar të Sigurisë Halifax se Serbia merrte vaksinën Sputnik V të Rusisë, dhe ua dërgonte shteteve në Afrikë.

“Rusia ia dërgonte Serbisë një numër vaksinash anti-COVID. Serbia është e interesuar ta luftojë pavarësinë e Kosovës. Shumë shtete në Afrikë nuk kanë vaksina, kështu që Serbia e përdorte vaksinën ruse, ta dërgojë një pjesë të tyre në shtetet afrikane, duke iu thënë: do t'iu japim vaksina nëse e çnjohni Kosovën”, deklaroi Osmani.

E pyetur se a janë arritur ato çnjohje, Osmani tha se Serbia deklaron se disa tentativa kanë funksionuar, mirëpo nuk pasur diçka zyrtare.

Osmani ka deklaruar tutje se Kosova është ndër vendet që e ka menaxhuar situatën me pandemi dhe izolimin për shkak se qytetarët kishin besim në institucionet, dhe se vendet mike e kanë ndihmuar vendin.

Ajo theksoi se Kosova ka kundërshtuar prurjen e vaksinave ruse apo kineze, dhe se gjithherë ka qenë e gatshme të furnizohet me vaksinat që janë miratuar nga Administrata Amerikane e Ushqimit dhe Barnave.

Edhe Arbëri 21 nën 2021 Reagon Presidenca ndaj deklarimeve të Vulinit

“Kosova tani është bërë lider jo vetëm në rajon, por edhe më gjerë për sa i përket përqindjes së popullsisë së vaksinuar.”

Ajo e përmendi edhe dezinformimin si pjesë e propagandës së shteteve si Rusia, me qëllim që të shkaktohet mosbesim ndaj institucioneve të shtetit.