Ambasada e Rusisë në Serbi të premten ka thënë se vendimet e marra nga Kosova nuk kanë forcë ligjore, teksa ka komentuar vendimin e autoriteteve kosovare për të shpallur persona non grata dy zyrtarë rusë.
Por, ish-ministrja e Jashtme e Kosovës, Meliza Haradinaj-Stublla, ka reaguar më tej duke lëshuar një notë verbale të Zyrës Diplomatike të Rusisë në Kosovë drejtuar Ministrisë së Punëve të Jashtme të Kosovës në vitin 2020.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nëse Rusia nuk e njeh pavarësinë e Kosovës, atëherë pse adresoi këtë notë verbale me 27 nëntor të vitit të kaluar tek MPJD e Republikës së Kosovës e jo tek UNMIKU?!” shkroi ajo në Facebook.
Sipas Haradinaj-Stubllës, kjo dëshmon se Rusia ka pranuar fuqinë ligjore të Republikës së Kosovës në shoqërinë ndërkombëtare.
Të premten, me vendimin e presidentes së Kosovës, dy diplomatë rusë u shpallen non grata. Ambasada ruse në Serbi tha se nuk e njohin pavarësinë e Kosovës kështu që nuk i njeh edhe qeverinë e strukturat tjera.
“Ne bashkëpunojmë me Misionin e Përkohshëm të Kombeve të Bashkuara në Kosovë (UNMIK), përfshirë këtë çështje, në bazë të Rezolutës 1244 të Këshillit të Sigurimit”.