Protestuesit në Ferizaj hedhin ngjyrë të kuqe në drejtim të Policisë

Ka nisur protesta para Stacionit të Policisë në Ferizaj për vrasjen e 18-vjeçarës. Protestuesit kanë hedhur ngjyrë të kuqe  dhe vezë në drejtim të policisë si shenjë proteste.

Siç është bërë e ditur kërkesat e protestës janë adresimi i fenomenit të femicidit ashtu siç e parasheh Konventa e Stambollit, dënim maksimal për vrasësit, siguri për vajzat dhe gratë në të gjitha hapësirat, dhe trajtim të drejtë të dhunës me bazë gjinore ndaj grave nga Qeveria e Kosovës. Në protestë po merr pjesë edhe ministrja e Drejtësisë, Albulena Haxhiu.

Ndër të tjera thirrjet e protestuesve është thënë se Policia e Prokuroria i kanë duar me gjak.

Ata kanë bërë thirrje që vrasësit dhe përdhunuesit e grave duhet të burgosen e të mos lëshohen me procedura të rregullta.

M.O. dyshohet të jetë vrarë të dielën nga D.K. me të cilin ishte e martuar.

+ 7

Vrasja e një 18-vjeçareje ditën e diel në Ferizaj ka ngjallur zemërim në vend. Krerët institucionalë reaguan duke kërkuar nga autoritetet e drejtësisë që të merren me urgjencë me rastin ndërsa organizatat e ndryshme kërkuan më shumë angazhim nga shteti për të mbrojtur jetën e femrave.

Në këtë linjë, Qendra Kosovare për Studime Gjinore ka thirrur një protestë për sot në orën 12:00. Protesta mbahet pranë Stacionit Policor, Gjykatës dhe Prokurorisë në Ferizaj, në shenjë revolte ndaj dhunës.

Në njoftim thuhet se kërkesat e protestës janë adresimi i fenomenit të femicidit ashtu siç e parasheh Konventa e Stambollit, dënim maksimal për vrasësit, siguri për vajzat dhe gratë në të gjitha hapësirat, dhe trajtim të drejtë të dhunës me bazë gjinore ndaj grave nga Qeveria e Kosovës.

Lidhur me rastin një person është arrestuar dhe një tjetër është në kërkim nga policia lidhur me vrasjen e një 18-vjeçareje në Ferizaj.