Ministria e Shëndetësisë e Kosovës ka bërë të ditur se gjatë 24 orëve të fundit, në Kosovë janë regjistruar 11 raste të vdekjes si pasojë e COVID-19 ndërkohë që janë shënuar 1,682 raste pozitive.
Sipas të dhënave të MSH-së, gjatë 24 orëve janë shëruar 263 persona, derisa numri i testimeve të kryera është 10,710.
Ndërkohë, numri i rasteve aktive me koronavirus ka arritur në 19,695.
Gjatë 24 orëve të fundit në Kosovë janë dhënë 18,776 vaksina kundër COVID-19.
Që nga fillimi i vaksinimit, në Kosovë janë administruar 707,793 doza të vaksinës ndërkohë që 236,405 persona janë vaksinuar me të dy dozat.
Që nga fillimi i pandemisë, në Kosovë kanë vdekur 2,326 persona e janë shënuar 129,309 raste pozitive me COVID-19, ndërkohë që janë shëruar 107,288 pacientë.
