1 perditesime
19:35

Kadaj-Bujupi për sulmin në Zubin Potok: U sulmuam nga bandat kriminale

Ish-deputetja e Aleancës për Ardhmërinë e Kosovës, Donika Kadaj-Bujupi, ka rrëfyer momentin kur së bashku me grupin “Kosovo Mountain Club”, janë sulmuar me armë në afërsi të bjeshkëve të Zubin Potokut. Kadaj-Bujupi ka thënë se sulmi u bë nga bandat kriminale.

“Fatmirësisht nuk pati viktima. U detyruam të kthehemi për sot dhe ngjitjen e vazhduam në majën tjetër në Shalë të Bajgores. Ngjitjet në majat tona të bukura do t’i vazhdojmë edhe në ditët, javët, muajt e vitet në vazhdim”, ka shkruar në Facebook.

Ish-deputetja u ka bërë thirrje institucioneve që të reagojnë “dhe të marrin masa konkrete përtej fjalëve në mënyrë që këto sulme të vazhdueshme dhe të kamotshme të ndërpriten sa më parë”.

 

Sot ne kuader te organizimit te “Kosovo Mountain Club” bashke me plote dashamire te natyres, u nisem drejt majes se...

Posted by Donika Kadaj Bujupi on Sunday, May 9, 2021

 

19:23

Bahtiri bën thirrje të zbardhet sulmi ndaj alpinistëve në Zubin Potok

Kryetari i Mitrovicës së Jugut, Agim Bahtiri, ka dënuar sulmin e armatosur ndaj grupit të “Kosova Mountain Club” në bjeshkë afër Zubin Potokut, duke iu bërë apel organeve që t’i ndërmarrin veprimet e nevojshme.

Sulmin e ka cilësuar si rast kriminal derisa ka ftuar të zbardhet dhe “kryerësit të dalin para drejtësisë”.

“Nuk duhet lejuar në asnjë mënyrë që grupet kriminale në asnjë vend, e veçanërisht në pjesën veriore të Kosovës, të fuqizohen sikurse vite më parë. Të gjithë së bashku dhe secili veç e veç, duhet të kontribuojmë çdo ditë që gjithë qytetarët e Kosovës pa dallime etnike apo fetare, të jetojnë të qetë në shtetin e tyre”, thuhet në reagimin e tij.