1 perditesime
12:26

Arrestohet kryetari i Kllokotit, Bozhidar Dejanoviq

Kryetari i Komunës së Kllokotit, Bozhidar Dejanoviq është arrestuar nën dyshimet se ka kryer veprën cenim i përcaktimit të lirë të votuesve.

Prokuroria Speciale e Kosovës njofton se Dejanoviq është ndaluar për 48 orë dhe brenda afatit ligjor do paraqitet para Gjyqtarit të procedurës paraprake.

“Prokuroria Speciale e Republikës së Kosovës, njofton opinionin publik se, sot, ka ekzekutuar Urdhrin e Gjyqtarit të procedurës paraprake, për kontrollimin e Objekteve të Komunës së Kllokotit, në lidhje me një hetim që është duke zhvilluar ndaj Kryetarit të Komunës, të pandehurit Bozhidar Dejanoviq”, thuhet në njoftimin e Prokurorisë.

KOHA ka raportuar për një aksion policor i cili ka të bëjë me procesin zgjedhor.

12:13

Aksion policor për procesin zgjedhor në Prishtinë

Policia e Kosovës është duke zhvilluar një aksion policor në Prishtinë që ndërlidhet me procesin zgjedhor. Baki Kelani i ka thënë KOHËS se operacioni po realizohet në bashkëpunim me Prokurorinë.

“Mund të konfirmojmë se në bazë të kërkesës së Prokurorisë dhe urdhëresës së Gjykatës kompetente, Policia e Kosovës është duke e realizuar një operacion policor. Ky operacion i cili është duke u realizuar në bashkëpunim me Prokurorinë, ndërlidhet me procesin zgjedhor”, thuhet në njoftimin policor.