5 perditesime
20:59

Numërohen më shumë se gjysma e votave me kusht

Në Qendrën e Numërimit dhe Rezultateve po vazhdon numërimi i votave me kusht dhe personave me aftësi të kufizuara.

Deri tash janë numëruar 18.571 vota. Nga to, Lëvizja Vetëvendosje ka marrë 9.361 vota. E dyta renditet Partia Demokratike e Kosovës me 3475 vota, LDK-ja me 1951 vota, AAK-ja me 1552 vota dhe Nisma Socialdemokrate 486 vota.

KQZ-ja ka njoftuar se janë pak mbi 30 mijë vota me kusht dhe të personave me aftësi të kufizuara.

Image

 

18:29

Nga 15.065 vota të numëruara, VV-ja merr 7.689

Procesi i numërimit të votave me kusht dhe ato të personave me aftësi të kufizuara, ka ardhur në gjysmë.

Kur janë numëruar 15.065 vota, Lëvizja Vetëvendosje prin me 7.689. Pas saj, renditen PDK-ja me 2.590, LDK-ja me 1636, AAK-ja me 1.393 dhe Nisma me 373.

Sipas KQZ-së, janë pak mbi 30 mijë vota me kusht dhe të personave me aftësi të kufizuara.

Pas përfundimit të këtij procesi, në radhë është numërimi i votave nga diaspora, të cilat tashmë janë verifikuar.

16:19

Numërimi i votave me kusht, VV-ja vazhdon të thellojë diferencën

Në Qendrën e Numërimit dhe Rezultateve (QNR) po vazhdon numërimi i votave me kusht dhe ato të personave me aftësi të kufizuara.

Partia fituese e zgjedhjeve të 14 shkurtit, Vetëvendosje, po vazhdon të thellojë diferencën.

Deri në orën 16:00, kur janë numëruar 13.570 vota, VV-ja ka marrë 6.747 vota, pason PDK-ja me 2.373, LDK-ja me 1.473, AAK-ja me 1.301 dhe Nisma me 342.

Sipas KQZ-së, janë mbi 30 mijë vota me kusht dhe të personave me aftësi të kufizuara.

15:28

Numërohen mbi 10.000 vota me kusht

Komisioni Qendror i Zgjedhjeve ka njoftuar se janë numëruar 10.353 vota me kusht dhe të personave me aftësi të kufizuara.

Sipas KQZ-së, Lëvizja Vetëvendosje ka 4.997 vota, pasuar nga Partia Demokratike e Kosovës me 1.838, Lidhja Demokratike e Kosovës me 1. 130 dhe Aleanca për Ardhmërinë e Kosovës me 1.069.

Gjithsej, janë 31.500 me kusht dhe 2800 vota të personave me aftësi të kufizuara.

12:11

Numërohen mbi 8.000 vota me kusht

Komisioni Qendror i Zgjedhjeve ka njoftuar se janë numëruar edhe 3019 vota me kusht dhe të personave me aftësi të kufizuara, duke e çuar totalin e votave të numëruara në 8135.

Sipas KQZ-së, Lëvizja Vetëvendosje deri më tani ka 3775 vota, pasuar nga Partia Demokratike e Kosovës me 1526, Lidhja Demokratike e Kosovës me 865 dhe Aleanca për Ardhmërinë e Kosovës me 853.

Gjithsej, janë 31.500 me kusht dhe 2800 vota të personave me aftësi të kufizuara.

11:03

5116 vota me kusht janë numëruar deri në orën 10:00, prin VV-ja

Është duke vazhduar numërimi i votave me kusht dhe personave me aftësi të kufizuara. Komisioni Qendror i Zgjedhjeve ka njoftuar se deri në orën 10:00, janë numëruar 5116 vota, ku nga to, Lëvizja Vetëvendosje ka marrë 2230, pasuar nga Partia Demokratike të Kosovës me 1134 vota, ndërkohë Aleanca për Ardhmërinë e Kosovës ka 695 vota, ndërsa Lidhja Demokratike e Kosovës ka 491.

“Janë rreth 31 mijë e 500 vota me kusht dhe rreth 2 mijë e 800 vota të personave me nevoja të veçanta, të cilat u takojnë Komunave të ndryshme dhe që do të numërohen në Qendrën e Numërimit dhe Rezultateve”, i ka thënë KOHËS zëdhënësi i KQZ-së, Valmir Elezi.

Image

Aktualisht është duke vazhduar numërimi i votave.