1 perditesime
Arbëri

Hoxhaj nga Mitrovica: UÇK-ja e solli lirinë, PDK-ja pavarësinë

Hoxhaj nga Mitrovica: UÇK-ja e solli lirinë, PDK-ja pavarësinë
Foto: Enver Hoxhaj/Facebook
18:49

Hoxhaj nga Mitrovica: UÇK-ja e solli lirinë, PDK-ja pavarësinë

Kryetari i Partisë Demokratike të Kosovës, njëherësh kandidati për kryeministër, Enver Hoxhaj, ka takuar banorët e fshatit Broboniq të Mitrovicës, ku ka prezantuar Planin e Rimëkëmbjes. 

Hoxhaj nga vendlindja e Kadri Veselit, ka thënë se janë Kadri Veseli dhe Hashim Thaçi, ata që i kanë prirë projekteve kombëtare për lirinë dhe pavarësinë e Kosovës.

"Kur sot jemi në Broboniq e ndjejmë mungesën e tyre, jo vetëm fizike, por edhe shpirtërore, edhe vëllazërore, edhe njerëzore e emocionale, sepse ky fshat i ka dhënë shumë Kosovës. Ky fshat ka bërë shumë për Kosovën dhe ka dy projekte të cilat neve na kanë mundësuar që të jemi të lirë dhe të pavarur, UÇK dhe PDK. Ka edhe dy njerëz të cilët iu kanë prirë këtyre dy projekteve kombëtare e këta janë Kadri Veseli dhe Hashim Thaçi", tha ai.

Hoxhaj ka thënë se PDK-ja është partia që do të rimëkëmbë edhe një herë Kosovën në aspektin ekonomik, politik, kombëtar, shëndetësor dhe arsimor.

"Kur dikush bënë përpjekje si Gjykata Speciale me na marrë neve nëpër këmbë, ne do ta rimëkëmbim Kosovën edhe një herë. Do ta rimëkëmbim edhe në planin politik edhe në planin kombëtar, edhe në planin ekonomik, edhe në planin shëndetësor, arsimor", tha ai.

Kandidati i PDK-së për kryeministër tha se entuziazmi që po e sheh në çdo tubim anekënd Kosovës është tregues se PDK-ja do të dalë fituese në zgjedhjet e 14 shkurtit.

"Kudo ka një vendosmëri, ka një entuziazëm, një vullnet dhe kudo po ndodhë fitorja jonë e madhe e PDK-së sikurse në vitin 2007. Unë ju ftoj që të mos i besoni atyre që bëjnë sondazhe të rrejshme, që janë mashtrues me certifikatë dhe që për shkaqe të ndryshme në fushata zgjedhore bëjnë përpjekje t'ua thyejnë vullnetin. Por, sa herë dikush ka bërë përpjekje t'ia thyej vullnetin PDK-së, kanë qenë qytetarët e Kosovës të cilët e kanë bërë fitoren tonë sa më të madhe", tha ai.

I shoqëruar nga kandidatët e PDK-së për deputetë nga Mitrovica, Hoxhaj gjatë ditës ka qëndruar edhe në kullën e Ali Kadriut në Kodrën e Minatorëve në veri dhe është takuar me banorët e Lagjes Bair.

17:34

Hoxhaj: Çdo shtëpi do të rindërtohet në veri

Kandidati i PDK-së për kryeministër, Enver Hoxhaj, ka vizituar fshatin Suhodoll në veri, ku janë rindërtuar disa shtëpi.

Hoxhaj ka thënë se për familjet shqiptare që duan të kthehen në pronat e tyre në veri do të ndahen fonde për rindërtimin e shtëpive, ndër të tjera.

“Në Mitrovicën e Veriut, aty ku para 21 vjetësh, më 3 dhe 4 shkurt 2000, u vranë 10 shqiptarë, u plagosën 25 dhe mbi 10 mijë u shpërngulën, pas dhunës dhe terrorit serb në sy të ndërkombëtarëve. Ne do të jemi zëri i tyre dhe do të gjejmë rrugë për të vendosur drejtësi. Ndërsa, për familjet shqiptare që jetojnë aktualisht në veri apo që duan të kthehen në pronat e tyre, #Rimëkëmbje do të ndajë edhe fonde për rindërtimin e shtëpive, për zhvillimin e bujqësisë, për punësimin dhe krijimin e ndërmarrjeve të vogla si biznese familjare. Ne po vazhdojmë atë që e nisi Hashim Thaçi, Bajram Rexhepi e Ali Kadriu, me përkrahjen edhe të Kadri Veselit. Çdo shtëpi do të rindërtohet në veri. Ky është synimi jonë dhe vetëm me PDK-në në qeverisje këto plane jetësohen. #PDK134 #Rimëkëmbje”, ka shkruar Hoxhaj në Facebook.