“Nuk ka më izolim të Kosovës”, thotë kryeministri Avdullah Hoti.
Hoti përmes një postimi në Facebook thotë se Kosovën e kanë kthyer në rrugën e integrimit euroatlantik, dhe siç shprehet ai, pa shpenzuar miliona euro për lobim.
“Nuk ka më izolim të Kosovës. Për 100 ditë, e kemi kthyer Kosovën aty ku e ka vendin: në Shtëpinë e Bardhë, në kryeqytetin e BE-së në Bruksel, në selinë e NATO-s, në Paris dhe së shpejti edhe në qendrat e tjera. Pas një devijimi disa vjeçar, e kemi kthyer Kosovën prapë në rrugën e integrimit euro-atlantik. E gjithë kjo është arritur pa shpenzuar miliona për lobim, por me përkrahjen e miqve, duke i bindur se kjo Qeveri është serioze karshi zotimeve të veta, me vendimmarrje bazuar në ligje dhe kushtetutë, e jo interesa parapolitike”, shkroi Hoti në Facebook.
Ky reagim i Hotit erdhi pasi Partia Demokratike e Kosovës, sot gjatë ditës e kritikoi për 100 ditëshin e qeverisjes së tij.
-
Hoti vlerëson se e ka kthyer mbështetjen që i mungonte Kosovës
-
Hoti: Qeveria Kurti ka izoluar vendin dhe e ka bllokuar integrimin
-
Kurti: Avancimi i Kosovës në NATO hap i rëndësishëm, përkundër fushatës së Serbisë
-
Hoti: Kosovës i duhet një qeveri që ia heq sanksionet
-
Abdixhiku: Koha e fundit për rrugë të re pa Kurtin dhe politikën e tij të izolimit