I dërguari special i Presidentit amerikan, Donald Trump për dialogun Kosovë-Serbi, Richard Grenell edhe njëherë ka ripërsëritur se taksa 100% duhet të hiqet. Grenelli qëndron edhe kundër reciprocitetit.
Grenelli në Twitter ka thënë se taksa duhet të hiqet në mënyrë që të ketë investime në Kosovë.
“Taksa duhet të hiqet në mënyrë që të funksionojnë investimet. Është thelbësore”, ka shkruar Grenelli në Twitter.
Grenelli, ambasador i SHBA-së në Berlin, ka bërë një “retweet” ndaj ish-Ministrit të Punëve të Jashtme, Petrit Selimi, i cili ka bërë një postim në rrjetin social për planifikimin buxhetor të administratës së Presidentit Trump dërguar Kongresit në lidhje me fondacionin “Sfidat e Mijëvjeçarit”, ku Kosova është anëtare.
The tariffs must be dropped in order for investments to work. It’s fundamental. https://t.co/NhBejSS4RN
— Richard Grenell (@RichardGrenell) February 11, 2020
