Grenell: S’jam këtu për koalicione, por për zhvillim ekonomik

Richard Grenell tha se nuk ka preferenca për koalicionin qeveritar në Kosovë.

Ndërkaq, tha se presidenti Trump ka qenë shumë i përqendruar për zgjidhjen e këtij problemi, pa shikuar prapa.

“Duam të zhvillojmë ekonomikisht këtë rajon. Të rinjtë kanë nevojë për punë, kjo është politika e presidentit Trump. Ekonomia në SHBA po lulëzon, sepse kemi thënë se njerëzit duhet ta marrin pushtetin. Duhet të hapni punë e zhvillim ekonomik për njerëzit që e meritojnë atë. Njerëzit në Kosovë meritojnë punë e të ardhme të ndritshme. Ne do t’i nxisim qeveritë dhe liderët në Kosovë dhe në Serbi, e t’u themi: ‘shikoni njerëzit, nisni të hapni punë të reja’. Komuniteti biznesor në SHBA e në Evropë dëshiron të vijnë këtu në forma më të mëdha. Por, s’mund ta bëjnë nëse ka konflikte nga establishmenti politik. Kemi shumë projekte e ide që do të krijojnë energji, ekonomi, por veçanërisht, punë – punë që paguhen mirë. Presidenti Trump ka qenë i përqendruar në këtë, duke thënë: ‘kur keni ekonomi vibrante, kur keni njerëz që marrin pjesë në ekonomi me mënyra të reja, me biznese të reja, çështjet politike bien, sepse atëherë njerëzit përqendrohen në jetën e tyre të përditshme. Për këtë jam këtu dhe s’dua të kyçem në debatin politik, sepse kjo po na lë prapa. Dua të shikoj problemet që i kemi pas e t’i çojmë Kosovën dhe Serbinë përpara”, tha Grenelli.

Presidenti Hashim Thaçi, pasi takoi Grenellin, tha se i beson administratës Trump për të arritur marrëveshjen përfundimtare me Serbinë.

“Falënderoj ambasadorin Grenell që erdhi në Prishtinë. Për Kosovën dhe popullin tonë është ditë e madhe. Faleminderit për marrëveshjen e re të arritur. Është marrëveshje historike. Falënderime personale për presidentin Trump. Besoj se nën udhëheqjen e presidentit Trump, do të mund të arrijmë shumë më shumë paqe, stabilitet, dhe marrëveshjen përfundimtare me Serbinë, do të kontribunte shumë për paqen e Ballkanin Perëndimor. Roli juaj është krucial. Atë që të tjerët s’kanë arritur ta bëjnë, e ka bërë SHBA-ja”, tha ai.

Duke folur për nominim e kandidatit të LVV-së për kryeministër, Thaçi tha se tash u mbetet partive të punojnë për arritjen e marrëveshjes.

“Unë kam nominuar kandidatin për kryeministër. Tash i mbetet partive të punojnë dhe atij të gjejë partner për të krijuar shumicën q të votohet në Kuvend. Grenelli është i ngarkuari special për normalizimin e raporteve me Serbinë, nuk është për çështje lokale e të brendshme politike këtu, siç nuk është asnjë prej ambasadorëve që të bëjnë presion në çështjet e brendshme lokale. Ne do të diskutojmë për dialogun dhe çështjet jetike të Kosovës. Është jashtë agjendave lokale e elektorale kjo vizitë. Nën lidershipin e presidentit Trump, do t’ia arrijmë”, tha Thaçi.

I dërguari i Posaçëm i SHBA-së për dialogun Kosovë-Serbi, Richard Grenell, ka arritur me një orë vonesë në darkën e paralajmëruar me presidentin Hashim Thaçi. 

“Sonte në orën 19:30, Presidenti i Republikës së Kosovës, Hashim Thaçi, do të zhvillojë darkë pune me të Dërguarin e Posaçëm të Presidentit Trump për dialogun në mes të Kosovës dhe Serbisë, ambasadorin Richard Grenell”, thuhej në njoftimin e dërguar nga zyra për informim e Presidencës.

Grenell arriti darkën me Thaçin rreth orës 20:30

Presidenti i Kosovës, Hashim Thaçi sonte do të ketë një darkë pune me të Dërguarin e Posaçëm të SHBA-së për dialogun Kosovë-Serbi, Richard Grenell.

Takimi i tyre tashmë ka nisur, dhe KTV-ja ka siguruar pamje nga vendi i ngjarjes.

Grenell ndodhet për vizitë në Kosovë, dy ditë pasi që ka ndërmjetësuar në arritjen e një marrëveshje me të cilën parashihet fillimi i operimit të kompanisë ajrore “Lufthansa”, në relacion Prishtinë-Beograd dhe anasjelltas.

Gjithashtu është konfirmuar se Grenell nesër do të takohet me kreun e LDK-së, Isa Mustafa.

Sipas një njoftimi nga zyra e tij, presidenti Hashim Thaçi sonte do të ketë një darkë pune me të Dërguarin e Posaçëm të Presidentit Trump për dialogun në mes të Kosovës dhe Serbisë, ambasadorin Richard Grenell.

Grenell ndodhet për vizitë në Kosovë, dy ditë pasi që ka ndërmjetësuar në arritjen e një marrëveshje me të cilën parashihet fillimi i operimit të kompanisë ajrore “Lufthansa”, në relacion Prishtinë-Beograd dhe anasjelltas.

© KOHA. Të gjitha të drejtat janë të rezervuara.