1 perditesime
14:19

Veseli pas intervistimit: Lufta e UÇK-së ishte përballje me gjenocidin serb

Kadri Veseli, kryetar i PDK-së, pas intervistimit nga Zyra e Prokurorit të Specializuar në Hagë, ka thënë se ka mbrojtur luftën e pastër të UÇK-së.

Gjithashtu, ka bërë thirrje që gjithë qytetarët e Kosovës, ta kalojnë bashkë këtë sfidë.

“Siç edhe kam premtuar publikisht, sot jam paraqitur për intervistim, kam përfunduar intervistën. Vitet e 90 kanë qenë vite të rënda për popullin tonë. Një nënshtrim para Serbisë për pastrim etnik, do të thotë për gjenocid kundër popullit tonë. Ne ju kemi kundërvënë. Lëvizja jonë çlirimtare ka qenë UÇK-ja përballje me gjenocidin serb. Lufta e UÇK-së ka qenë përballje me pastrimin etnik të cilin ka synuar Serbia ta bëjë në Kosovë. Ftoj të gjithë qytetarët e Kosovës që të jemi bashkë të kalojmë edhe këtë sfidë. Kjo është e tëra”, raporton KTV.

13:44

Veseli përfundon intervistën në Hagë, nuk deklarohet

Kryetari i Partisë Demokratike, Kadri Veseli për rreth tri orë është intervistuar nga Zyra e Prokurorit të Specializuar lidhur me luftën e Ushtrisë Çlirimtare të Kosovës.

Veseli nuk është deklaruar për mediat rreth asaj që ka ndodhur brenda zyrave të Speciales, raporton KTV.

Ish-Kreu i Kuvendit kishte paralajmëruar se do të mbrohej në heshtje.

Paraqitja e Veselit para Speciales, ishte paraparë për datën 4 dhjetor, por për shkaqe teknike, ishte shtyrë deri sot.

Kreu i PDK-së u nis gjatë mesditës të së hënës për në Hagë dhe tha se ky është një moment ndërkombëtar për të rikonfirmuar pastërtinë e luftës së popullit të Kosovës.

Lexoni edhe: Veseli sot intervistohet nga Specialja