Tensionet e krijuara ndërmjet tri partive dhe Listës Serbe në prag të zgjedhjeve të parakohshme parlamentare të 6 tetorit, pritet të ndikojnë edhe në pjesëmarrjen e qytetarëve serbë në këto zgjedhje.
Në Mitrovicën e Veriut, disa nga banorët këtu duan ta shfrytëzojnë të drejtën e votës, e të tjerë nuk i shohin me interes këto zgjedhje dhe nuk presin ndryshim të situatës, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Natyrisht se do të dal për të votuar që ta shfrytëzoj të drejtën time qytetare. Mendoj se situata do të jetë më e mirë, tashmë është më e mirë, por shpresoj të bëhet edhe më e mirë”, thotë një qytetare serbe nga Mitrovica e veriut.
“Po, do të dal në zgjedhje, në këto zgjedhje pres rezultate më pozitive, si gjithmonë”, thotë tjetri.
Shoqëria civile vlerëson se pjesëmarrja e komunitetit serb në këto zgjedhje, por edhe e komuniteteve tjera pakicë në vend, është jashtëzakonisht e rëndësishme dhe ka ndikim pozitiv në politikën kosovare.
Për Erblin Hoxhën nga Lëvizja “FOL”, pjesëmarrja e serbëve në këto zgjedhje do të dërgonte dy mesazhe.
Katër subjektet politike serbe do të garojnë në zgjedhjet e 6 tetorit, për 10 ulëse në Kuvendin e Kosovës që janë të garantuar me Kushtetutën e Kosovës.
Disa janë bërë bashkë në koalicionin “Liria”, siç kanë thënë, me qëllimin për ta mposhtur Listën Serbe, e cila, sipas tyre, nuk ka qëllim mirëqenien e serbëve të Kosovës dhe mandatin e kaluar kishte 9 ulëse në Kuvend, nga 120 gjithsej.