-
Nga:
Donika Voca Gashi
- 15 gusht 2019 21:07
- Shpërndaje në:
Në kohën kur Ministri i Shëndetësisë, Uran Ismaili, po përuron aparatura dhe shërbime të reja në institucionin më të madh terciar në vend, SHKUK-ja, një klinikë e këtij institucioni, nuk po arrin t’ua sigurojë terapinë e duhur pacientëve të saj.
Ka më shumë se një javë që pacientët e prekur nga kanceri nuk po arrijnë të marrin disa lloje të kimioterapisë në Klinikën e Onkologjisë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPacientët e Onkologjisë nuk kanë arritur t’i marrin barnat që jepen për kancerin në prostatë, kancerin e gjirit dhe atë të kockave, përkundër faktit se gjenden në listën esenciale të barnave.
Pacientët, prapa kamerës thonë se vetëm tani, ditët e fundit, familjarët e tyre kanë arritur të marrin kimioterapinë.
Drejtori i Klinikës së Onkologjisë pranon se në javën e fundit furnizimi me disa lloje të kimioterapisë, nuk ka qenë i plotë.
Derisa thotë se janë operatorët ekonomikë, ata të cilët po krijojnë vonesa në liferim.
Deri në këtë periudhë të vitit, sipas të dhënave të Klinikës së Onkologjisë, janë paraqitur 750 raste të reja të sëmundjeve malinje, që tregojnë një rritje prej 3% krahasuar me shifrat e vitit të kaluar.