Sot mbahet seanca gjyqësore ndaj 23 të arrestuarve në rastin e patentë shoferëve

Prokurori do paraburgim për 19 nga 23 të arrestuarit për dallavere me patentë shoferë

Dorentina Thaqi Dorentina Thaqi 07 July 2019 11:29
18:11

Ndaj 19 prej tyre vendimi do të merret pas 48 orësh, ndërsa 4 prej tyre prokurori është tërhequr duke mos kërkuar masë të paraburgimit.

Prokurori Ilaz Beqiri ka bërë me dije se për 19 të dyshuar për dallavere me patentë shoferë, nga 23 në total sa janë arrestuar të premten, ka kërkuar paraburgim.

Për Shkëlqim Statovcin, Haki Jasharin, Liljana Bozhaniq dhe Ava Kurteshin ka vlerësuar se nuk ka bazë që të caktohet masa e paraburgimit.

“Seanca dëgjimore lidhur me kërkesën e prokurorisë për përcaktimin e paraburgimit për të pandehurit tani që jeni në dijeni përfundoi. Gjatë kësaj seance prokuroria ofroi dëshmitë të cilat i ka në dispozicion dhe pala mbrojtëse gjithashtu pretendimet e tyre dhe në fund prokurori u tërhoq nga kërkesa për caktimin e paraburgimit për të pandehurit: Shkelqim Statovci, Haki Jashari, Liljana Bozhaniq dhe Ava Kurteshi, ndërsa për të pandehurit e tjerë pritet që brenda 48 orëve Gjykata të marrë vendim. Kam vlerësuar se nuk ka bazë të caktohet masa e paraburgimit”, tha Beqiri.

Të premten Policia ka arrestuar 23 persona si të dyshuar se kanë kryer veprën penale të korrupsionit duke dhënë patentë shoferë në këmbim të parave.

Në këtë aksion janë arrestuar zyrtarë të Ministrisë së Infrastrukturës, mjekë, pronarë autoshkollave, etj.

Image
17:30

Përfundon seanca ndaj 23 të dyshuarve për dallavere me patentë shoferë, vendimi brenda 48 orëve

Ka përfunduar seanca dëgjimore në rastin e të dyshuarve për dallavere me patentë shoferë.

Nuk është marrë ndonjë vendim i ri për masa ndaj tyre, ndërsa KTV mëson se një gjë e tillë do të ndodh brenda 48 orëve.

Prokurori i rastit, Ilaz Beqiri, ka njoftuar se gjatë kësaj seance Prokuroria ka ofruar dëshmitë e veta, ndërsa pala mbrojtëse pretendimet e veta.

Ai ka treguar se për disa të pandehur, Prokuroria është tërhequr nga kërkesa për masën e paraburgimit.

14:54

Shkon në pauzë seanca e 23 të akuzuarve në rastin e patentë shoferëve

Ka shkuar në pauzë seanca gjyqësore e 23 të arrestuarve në rastin e patentë shoferëve.

Pauza do të zgjasë 20 minuta, ndërkaq sot pritet të caktohet masa e paraburgimit për të dyshuarit, raporton KTV.

Një masë të tillë e ka kërkuar edhe prokurori i çështjes Ilaz Beqiri, derisa pritet që Gjykata të vendosë lidhur me të brenda ditës.

12:43

Prokuroria kërkon masën e paraburgimit për të arrestuarit në rastin e patentë shoferëve

Ka nisur seanca gjyqësore për 23 të arrestuarit në rastin e patentë shoferëve.

Prokurori i rastit, Ilaz Beqiri, përmes telefonit për KTV-në, ka konfirmuar se ka kërkuar masën e paraburgimit për të arrestuarit, ndërkaq pritet që Gjykata të vendosë gjatë ditës.

Seanca e cila nisi 30 minuta me vonesë po vazhdon edhe tash.

23 të arrestuarit të premten janë paraqitur në Pallatin e Drejtësisë, ndërkaq sot brenda ndërtesa janë futur nga dera e bodrumit.

Seanca po vazhdon e mbyllur për mediat dhe publikun.

11:29

Sot mbahet seanca gjyqësore ndaj 23 të arrestuarve në rastin e patentë shoferëve

Sot do të mbahet seanca gjyqësore ndaj 23 të arrestuarve për rastin e patentë shoferëve.

Ndonëse seanca pritej të fillonte në orën 11:00, një gjë e tillë nuk ka ndodhur, raporton KTV.

Para Pallatit të Drejtësisë, shihen të pranishëm edhe Njësia Speciale.

Kujtojmë se të premten Policia e Kosovës ka arrestuar 23 persona të dyshuar për ‘keqpërdorim të detyrës zyrtare’ dhe ‘marrje ryshfeti’.

Lexo edhe: Nga 23 të arrestuarit për patentë shoferë, 16 janë zyrtarë të Ministrisë së Infrastrukturës

© KOHA. Të gjitha të drejtat janë të rezervuara.

Komentet

Toni10/07/2019 11:32

Vet faketi qe krejte ky spektakel po ndodhe te dielen imagjinoni sa serioz eshte ky gjygje faqa zeze

Shto koment

Të ngjashme