Shpallen të pafajshëm Lushtaku e të tjerët në rastin “KEK-u”

KEK-u deklarohet pas vendimit të Themelores për rastin e sigurimit fizik

Saranda Ramaj Saranda Ramaj 20 May 2019 09:16
16:36

Korporata Energjetike e Kosovës është deklaruar pas vendimit të Gjykatës Themelore në Prishtinë, që shpalli të pafajshëm Sami Lushtakun dhe të tjerët, në lidhje me tenderin 6 milionësh për sigurimin fizik.

Njoftimin për media, KEK-u e nis me faktin se “historia e hetimeve të filluara në tetor të vitit 2012 rreth dyshimeve të pabazuara për keqpërdorime në tenderin e sigurimit fizik të Korporatën Energjetike të Kosovës është mbyllur sot.

“Gjykata Themelorë në Prishtinë ka thënë fjalën e fundit me të cilën është vërtetuar se nuk ka pasur asnjë shkelje ligjore dhe nuk është vërtetuar asnjë provë e pretenduar se zyrtarët e KEK-ut të kenë bërë shkelje ligjore apo çfarëdo çofshin ato. Ky vendim edhe një herë vërteton pastërtinë dhe përkushtimin e zyrtarëve të KEK-ut qe me përgjegjësi të lartë juridike i kryem obligimet dhe detyrat tona siç parashihen me ligj dhe në të mirë të Korporatës, qytetarëve dhe shtetit të Kosovës”, thuhet në reagim.

“E kemi sqaruar me dhjetëra herë se e gjithë akuza e ngritur është e pabazuar dhe nuk ka pasur asnjë shkelje gjatë këtij procesi, por në vazhdimësi jemi sulmuar dhe kritikuar njëanshëm me spekulime nga me të ulëtat. Prandaj sot ndjehemi mirë dhe e kemi mirëpritur këtë vendim të Gjykatës për përfundimin e kësaj çështje”, thuhet më tej në njoftim.

09:16

Shpallen të pafajshëm Lushtaku e të tjerët në rastin “KEK-u”

Ish-kryetari i Skenderajt, Sami Lushtaku dhe personat e tjerë të akuzuar në rastin “KEK-u” janë shpallur të pafajshëm sot nga Gjykata Themelore.

Një gjë të tillë e ka konfirmuar avokati i Lushtakut, Arianit Koci, raporton Koha Ditore.

Në këtë rast gjyqësor Esat Tahiri dhe Milazim Lushtaku akuzohen për veprën penale mashtrim. Ndërkaq ish-drejtori i prokurimit, Driton Pruthi, drejtori i KEK-ut, Arben Gjukaj dhe ish-kreu i OSHP-së, Hysni Hoxha akuzohen për keqpërdorim të pozitës ose autorizimit zyrtar, ndërsa kryetari i Skenderajt, Sami Lushtaku, akuzohet për shtytje në keqpërdorim të detyrës zyrtare.

Prokuroria pretendonte se sjellja e paligjshme e të pandehurve, ka rezultuar me dhënien e kontratës kompanisë së sigurimit “Security Code”, e cila ka ofertuar si pjesë e konsorciumit me kompaninë “WDG”. Kontrata në fjalë ishte për periudhën dy vjeçare, në shumë prej 6, 182, 609.76 euro, shumë kjo për të cilën pretendohej se është dëmtuar KEK-u. Pronar i kompanisë që pati fituar tenderin është Milazim Lushtaku, kushëri i Sami Lushtakut i cili po ashtu është liruar nga akuza.


 

© KOHA. Të gjitha të drejtat janë të rezervuara.

Komentet

Shto koment

Të ngjashme