Shefi i Grupit Parlamentar të LDK-së, Avdullah Hoti sot është shprehur se koalicioni PAN duhet të ndalet.
Në një postim në Facebook, Hoti ka komentuar takimin që ka pasur koalicioni qeveritar në Kuvendin e Kosovës.
“Nuk ka orientim shtetndërtues, por ka unitet vetëm për të mbetur në pushtet. Ky koalicion po rrezikon çdo gjë që kemi arritur deri më sot. Ky koalicion po e kthen perceptimin e Kosovës si vend me korrupsion në rritje. Zgjedhjet janë të domosdoshme për të ndalur këtë dëm që po i bëhet shtetit të Kosovës”, ka shkruar ai.
