Arbëri

MI-ja thotë se është e përkushtuar në finalizimin e projekteve me BERZH-in

MI-ja thotë se është e përkushtuar në finalizimin e projekteve me BERZH-in
 

Ministri i Infrastrukturës, Pal Lekaj, ka pritur të enjten në takim përfaqësues të Bankës Evropiane për Rindërtim dhe Zhvillim (BERZH) dhe Bankën Evropiane për Investime, me ç’rast kanë diskutuar rreth projekteve infrastrukturore të financuara nga BERZH-i, si dhe për progresin e arritur deri më tani në këto projekte, bëhet e ditur përmes një komunikate për media.

Lekaj njoftoi përfaqësuesit e BERZH-it dhe BEI-së se pavarësisht komplikimeve në fusha të ndryshme, si dhe kapaciteteve financiare të buxhetit të shtetit, Ministria e Infrastrukturës do të mundohet të mos lërë asnjë projekt të fjetur, pasi kjo është në interes të qytetarëve të Republikës së Kosovës.