Kronikë

Arrestohet në Gjilan nëna që e mbyti foshnjën e porsalindur duke e futur në qese

Dje është arrestuar një grua, e cila me datë 23 të këtij muaji, në Gjilan, ka mbytur foshnjën e saj.

Në raportin policor, thuhet se me datën e cekur lartë, në shtëpinë e saj ka lindur foshnjën e gjinisë mashkull dhe pas lindjes dyshohet se të njëjtin e ka futur në një qese dhe për pasojë foshnja ka mbetur pa shenja jete, transmeton Koha.net.

E dyshuara është arrestuar pasi që kishte kërkuar ndihmë mjekësore.

Me vendim të prokurorit, trupi i pajetë i foshnjës është dërguar në Institutin e Mjekësisë Ligjore për obduksion, ndërsa e dyshuara është në tretman mjekësor dhe me vendim të prokurorit i është caktuar masa e ndalimit.