Paneli Zgjedhor për Ankesa dhe Parashtresa i ka refuzuar si të pabazuara 14 ankesat e Aleancës për Ardhmërinë e Kosovës të bëra në këtë institucion, rreth pretendimeve për parregullsi gjatë rivotimit në Istog.
Në vendimet e PZAP-së të publikuara sot, thuhet se janë të pabazuara ankesat për parregullsi gjatë votimit në këtë komunë, raporton KTV.
Edhe ankesat e AAK-së për rinumërim dhe rivotim në disa vendvotime, janë të paarsyetuara dhe si të tilla janë hedhur poshtë.
Edhe anëtari i Panelit Zgjedhor për Ankesa dhe Parashtresa, Hasan Shala, ka konfirmuar se të gjitha ankesat AAK-së janë hedhur poshtë.
