Për 12 vota është rritur diferenca e përgjithshme e votave në garën për kryetar të Mitrovicës, pas procesit të verifikimit.
Arian Tahiri i Partisë Demokratike të Kosovës, pas verifikimit të votave në zgjedhjet lokale të 12 tetorit del se ka marrë 15 mijë e 393 vota (47.91%), apo 40 më shumë se Faton Peci i Lëvizjes Vetëvendosje që mori 15 mijë e 353 (47.78%).
Për dallim nga distanca prej 40 votash tash, në numërimin preliminar, Tahiri kishte 15 mijë e 368 vota, apo 28 më shumë se Peci që kishte 15 mijë e 340.
Fillimisht votat numërohen nëpër vendvotime, teksa në Qendrën Komunale të Numërimit verifikohen dhe numërohen ato për kandidatë për asamble komunale.
Do të numërohen edhe votat e diasporës.
Gara në Mitrovicë sipas të gjitha gjasave do të ketë edhe raundin e dytë.