Kurti lexon para fëmijëve “Lulin e Vocërr”

I nominuari për kryeministër i Vetëvendosjes Albin Kurti sot, në Ditën e Fëmijëve në aktivitetin e “Prishtina lexon”, për fëmijët ka lexuar tregimin "Luli i Vocërr", nga Migjeni, transmeton Koha.net.

Për këtë Kurti ka shkruar në facebook:

Sot për Një Qershor në kryeqytet u organizua aktiviteti "Prishtina Lexon".

Fëmijëve të pranishëm ua lexova tregimin "Luli i Vocërr", nga Migjeni që për fatin tonë të keq tingëllon ende aktual.

Që të gjithë fëmijët kanë të drejtë të jenë të lumtur në Një Qershor e në ditët e tjera të vitit, por jo të gjithë kanë mundësinë ekonomike që ta realizojnë këtë të drejtë. Ndaj fëmijët e kryeqytetit i këshillova se nëse i kanë dy mollë, ta ndajnë një për vete e një për shokun ose shoqen. E nëse e kanë veç një, ta ndajnë gjysmën për vete gjysmën për shokun a shoqen.