Hekuran Gashi, kandidat për deputet nga radhët e Lëvizjes Vetëvendosje, ka thënë se bruto produkti vendor në Kosovë është rritur për rreth 46 për qind gjatë afro 6 vjetëve sa është në pushtet Lëvizja Vetëvendosje.
Po ashtu Gashi në “Zgjedhjet në KOHË” tha se papunësua ka rënë nga 22.85 për qind në 10.8 për qind.
“Ne arritëm të bëjmë rritje prej 6.77 miliardë euro, rritje ekonomike të bruto produktit vendor. Nga 7.05 miliardë euro që e gjetëm në vitin 2019, e rritëm deri në 10.3 miliardë e pastaj në 11 miliardë në vitin 2025. Kjo nënkupton rritje prej 46 për qind krahasuar me para se ta merrnim pushtetin. Është indikatori kryesor i rritjes ekonomike. Sa i përket punësimit, e gjetëm me rreth 350 mijë të punësuar dhe shifrat e vitit 2025 janë diku rreth 430 mijë të punësuar. Papunësia është ulur nga 22.85 për qind në 10.8 për qind”, tha Gashi.
Ndër projektet, për të cilën thotë se ka pasur direkt ndikim në ekonomi, është “Superpuna”.
“Rreth 20 mijë të rinj u punësuan dhe u subvencionuan nga shteti me rrogë për 3 muaj. Ku 49 për qind e tyre e vazhduan punën”, tha Gashi.
Zgjedhjet në Kohë - Debati për ekonomi
-
Gashi e VV-së: Kjo fushatë është për të rikonfirmuar rezultatin tonë
-
Gashi: Gara është për vendin e dytë, s’presim ndryshim në rezultat pavarësisht lëvizjeve në LDK
-
Gashi i LVV-së: Nga 1 korriku paga minimale do të jetë 500 euro
-
Bruto Produkti Vendor në Kosovë në tremujorin e tretë u rrit për 3 për qind
-
Murati: Ekonomia vazhdon të rritet, faktet po demantojnë pretendimet opozitare